Geguritan Pura ring Bali

S

puncak-agung

Tan pakadi girang titiyange manggihin sesuratan dane IB.Widiasa Keniten sane ngunggahan susastra  minakadi nyurat gaguritan sane ngindikang pura-purane ring sajebag gumi Bali.  Susastra sejangkepnyane, purun unggahang titiyang sekadi ring sor, pamekasnyane haturang titiyang ring makesami sameton titiyang warga lan wargi Bugbug ring dije ja magenah.

Pura-pura sané ngiterin Bali Pulinané gumanti genah ngrastiti linggih Sanghyang Widi. Prabhawan Idané sané katah nyihnayang Ida ngicénin galah utawi genah ring sang astiti bakti. Astiti bakti ring Sanghyang Widi nyuciang pikayunané. Ngwetuang rasa bagia manresti ring mercepada. Galah sané katiba gumanti anggén srana nyuciang pikayunan malarapan antuk ngrastiti ring linggih Sanghyang Widi.

Sang maangga sadaka ngwangun linggih Sanghyang Widi janten pisan mawit saking sipta, tapa, brata, yoga, semadi utawi panugrahan saking Sanghyang Widi. Yan nénten mawit suécan Sanghyang Widi, méweh pacang sida lanus pamarginé ngwangun kahyangan Ida. Kahyangan sané dahat suci puniki patut prabélain pisan. Sampunang kabanda antuk jinah utawi invéstor kantos purun ngebahang uger-uger sané sampun manut utawi patut. Sapasira malih pacang subakti ring Ida wantah nénten sané kaicénin embas ring Bali Pulinané puniki. Patut pisan tiaga ring kasucian linggih Ida.

Pura-pura pinaka bénténg pikayunané mangda setata éling ring angga. Genah pura pastika pisan genah sané suci utawi nué taksu. Genah sané kacumpuin mawit saking yoga semadi. Sang sané nangkil kadaut pikayunané mangda ayat tanggkil nyakupang tangan nglungsur pasuécan saking Sanghyang Widi.

Mawit saking katahné wénten pura ring Bali puniki, Baliné kabaos Pulau Seribu Pura. Becikang purané sampunang iju mapikayunan ngadol jagat Baliné. Jagat Baliné patut remba mawit saking élingé icénina tetamian marupa pura. Pura pinaka bénténg- bénténg kasucian ngiterin Bali Dwipané. Sampunang kasuciané adola. Sang ngwengku ring jagat Bali patut ngremba utawi tulénga ring kawéntanan pura-pura ring Bali. Sapunika Drs. I Madé Santosa nyurat ring Geguritan Pura-pura ring Bali.

bunga

Pura-pura sané kakawi mabantang saking prasasti, babad utawi usana. Sang kawi nglimbakang kawéntenan purané ring Bali marupa geguritan kadagingin tatwa-tatwa, sang sadaka sané ngadegang kadabdabin antuk manggala prajanané taler mangda para kramané tulénga ring kawéntenan purané, wénten rasa nuénang, rasa prabéla.

Pura Besakih sané kakawi pinih ajeng nyihnayang Pura Besakih pinaka ulun pura-pura sané wénten ring Bali. Raris Pura Raung, Pura Puncak Payogan, Pura Lempuyang Luhur, Pura Rambut Siwi, Pura Tanah Lot, Pura Uluwatu, Pura Samuan Tiga, Pura Goa Lawah, Pura Tirta Empul, Pura Dasar Bhuana Gélgél, Pura Watukaru, Pura Sakénan, pinguntat Pura Gumang. Pura-pura sané wénten ring Buléléng durung kasurat minab pungkuran kakawi dados geguritan.

Sinalih tunggil pura punika, Pura Uluwatu. Pura sané ngulangunin punapi malih ring sang maangga yogiswara. Pura sané pinaka linggih Betara Rudra, magenah ring nériti manut pangider buana. Betara Rudra sané mralina pikayunan, pamargi sané tan anut mangda metu kasucianné:

Ngalantur titiang ngaturang/ indik parahyanganné jati/ mungguing genah punika/ pastika ring nairiti/ manut kecap sastra aji/ Hyang Rudra kasungsung/ mawasta kahyangan jagat/ sad kahyangan minekadi/ umat Hindu/ né wénten ring Bali Dwipa// (Pupuh Sinom 4, kaca 56).

Pura-pura pinaka bénténg jagat Baliné patut rajegang. Ngrajegang pura-pura anggén yadnya, nyihnayang subakti ring Sanghyang Widi. Sanghyang Widi suéca jagat Baliné sayan landuh. Landuh pikayunan utawi pamargi. Sang ngwengku ring Bali mangda setata éling ring kawéntanan purané. Sumber : IB.Widiasa Keniten. BP.3011:2008.

Posted by : I Wayan Ardika

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: