Plukutus Sasih …

Sekadi sewalapatra saking Desa Adat Bugbug sane rauh ring Krama Purantara Bugbug ring Denpasar, lamakane semeton sami prasida pauninga, purun sobyahang titiang atur piuninge punika sakadi ring sor, dumogi mapikenoh.

TARUNAN DESA

ATUR PIUNING : No.53/PAN-DAB/X/2009 : DUDONAN PANGUNTAT KARYA UPACARA DEWA YADNYA TELUNG OTON (PLUKUTUS SASIH) KARYA PANGENTEG LAN NGATURANG PAMUPUT KARYA RING PURA PUSEH.

Om Swastiastu,
Sangkaning asung kerta wara nugraha Ida Sanghyang Widi Wasa Ida Sesuhunan Betara Betari sami Desa Adat Bugbug prasida nangunang karya upacara Ngresi Gana, Tabuh Gentuh Labuh, Gentuh/Pakelem ring Segara, Ngenteg linggih sane pengawit ring Pura Ayung, Kaping kalih ring Pura Dalem, kaping tiga ring Pura Desa/Bale Agung, Pura Paswikan, Pura Piit, Palinggih Menjangan Saluang, Pura Pamengkang, Pura Babotoh, Pura Penyarikan, Pura Gunung Sari, kaping pat (panguntat) ring Pura Puseh, Pura Pasek, Sanggar Agung, lan sane seosan presida memargi becik antar tur labda Karya manut sekadi pangrencana miwah pengaptin krama Desa Adat Bugbug sinamian.

Maka pangelantur pemargin karya upacara ngenteg linggih, Desa Adat Bugbug kasangra antuk prawartaka karya miwah krama Desa Adat Bugbug sinamian sampun ngemargiang runtutan yadnya marupa solas rahina, tigang sasih, aoton, kalih oton, miwah tigang oton sane panguntat pacang kemargiang ring Puseh. Eed miwah dudonan pemargin upacara tigang oton ring puseh manut sekadi daging sangkepan daweg rahina Saniscara Umanis wara Sungsang, tanggal masehi 10 Oktober 2009, pacing kemargiang manut sekadi dudonan ring sor :

Ngawit Soma pahing wara Langkir 26 Oktober 2009 kantos Puput : Ngaturang ayah ngaryanin sanganan pebangkit miwah sarana upakara plukutus sasih pangentegan lan ngaturang pamuput karya.

Redite Kliwon wara Pujut 8 November 2009 : Krama masyarakat ngaturang Ayah majejahitan lan ngaryanin sarana upakara tiosan ring Bale Agung sane katedunin olih panitia lan krama masyarakat sane istri.

Redite Pon wara Tambir 7 Desember 2009 : Nangun tetaring mekarya lapan banten, Bale Pawedan, Bale Gong, Gambang, Salonding, ring genah upakara ring Puseh sane katedunin olih Seksi Panggungan, Panitia lan Krama Banjar Adat.

Soma Wage wara Tambir 7 Desember 2009 : Munggah sekar/Patenungan Desa ring Bale Panti Pura Desa/Bale Agung, sane katedunin onli Prajuru Dulun Desa lan Panitia makasami. Benjangan nyane ring Anggara Kliwon wara Tambir 8 Desember 2009 : Nangun Panggungan kakaryanin olih Seksi Panggungan, Panitia lan Krama Banjar Adat.  Taler ring rahina puniki kamargiang Matur Piuning ngelantur ngelungsur Tirta ring Pura/Kahyangan ring Bali genah Desa nuhur tirta daweg pemargin upacara ngenteg linggih, sane kasanggra olih pemangku ancangan desa panitia lan Krama Desa Adat sane kajudi.

Buda Umanis wara Tambir 9 Desember 2009 : Ngiasin panggungan ring Puseh lan palinggih pura-pura Pemaksan kamargiang olih Panitia lan Pemaksan. Nyoreang sawatara pukul 16:00 Krama masyarakat ngadegang ring paumahan nyane soang-soang.

Wraspati Paing wara Tambir 10 Desember 2009 : 04:00 Ngaryanin eteh-eteh sarana upakara bebanten ring Pura Desa/Bale Agung sane kasanggra olih Parjuru Dulun Desa, Luput Kasinoman Undagi Prawayah lan Panitia. 06:00 Ida Betara Kawedal saking pasimpenan ke Pura Pemaksan soang-soang sane kasanggra olih Krama Pemaksan. Palinggih-palinggih sane sampun maenteg mangda kakaryanin lingga kasanggra olih pemangku Pangempon Pura Krama Banjar Adat sane kajudi. 07:30 Katurang Nyaik sane kasanggra olih Pemangku Lanang Istri, Tarunan Desa, Gong Desa, Luput, Kasinoman, Prewayah, Undagi Desa, Prajuru Dulun Desa lan Panitia. 08:00 Ida Bethara sami kairing Melis ka Segara ngelantur ngaturang Banten Pakelem sane kasanggra olih Pemangku Lanang Istri, Tarunan Desa, Gong Desa, Luput, Kasinoman, Prewayah, Undagi Desa, Prajuru Dulun Desa lan Panitia miwah Krama Masyarakat Desa Adat Bugbug. 10:00 Wusan Melis miwah ngaturang Pakelem ring Segara Ida Betara Sami kairing ring genah Upacara ring Puseh. 12:00 Ngaturang Upakara Bebanten Plukutus Sasih Pangentegan, Solah Topen Sidakarya, Solah Wayang Lemah. 16:00 kantos Puput Katurang Jambal Jaja, Solah Rejang 11 kempulan, Solah Abwang Papendetan, Solah Pemangku Papendetan, Ngaturang gegitan lan kidung.

Sukra Pon wara Tambir 11 Desember 2009 : 07:00 Ngaturang Sekar Penganyar, Krama Masyarakat Maturan. 16:00 kantos Puput Katurang Jambal Jaja, Solah Rejang 11 kempulan, Solah Abwang Papendetan, Solah Pemangku Papendetan, Ngaturang gegitan lan kidung.

Saniscara wara Tambir 12 Desember 2009 : 07:00 Ngaturang Sekar Penganyar, Krama Masyarakat Maturan. 16:00 kantos Puput Katurang Jambal Jaja, Solah Rejang 11 kempulan, Solah Abwang Papendetan, Solah Pemangku Papendetan. Kalanturang antuk Sembahyang Bersama. 18:00 Mantuk Bethara : Ida Betara sami kairing mantuk ring Pura Pemaksan Pasimpenan miwah Pura-Pura tiosan manut linggih Ida.

Redite Kliwon wara Medangkungan 13 Desember 2009 : Ngugag Panggungan miwah reramon sarana upakara sane wenten ring Puseh kasanggra olih Panitia Sami lan Krama Banjar Adat sane polih tugas nyanggra.

Kadi punika atur piuning puniki rauhang titiang majeng ring Panitia miwah Krama Desa Adat Bugbug sinamian ring dija ja magenah mangda praside keanggen patiti rikalaning nyanggra pemargin karya upacara Plukutus Sasih Pangentegan miwah ngaturang pamuput Karya ring Pura Puseh Desa Adat Bugbug. Dumogi krama Desa Adat Bugbug sinamian mresidayang nyanggra ngaturang ayah kalih pedek tangkil ngaturang Pangubakti majeng ring Ida Sasuhunan sami lan setata ngemolihang kerahayuan miwah karahajengan sareng sami.

Om Santih, Santih, Santih, Om
Ketua Umum : I Wayan Terang Pawaka, S.Pd., M.Ag.
Sekretaris Umum : Drs. I Wayan Wirna
Jero Bendesa Adat Bugbug : Jero Wayan Asih Arnaya
Kelihan Desa Adat Bugbug : Jero Wayan Mas Suyasa, SH.

Posted : I Wayan Ardika

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: